ବାରିକ ଓ ଗୋପାଳ

ଦିନେ ରାଜା ଘରର ବାରିକକୁ ଗୋପାଳ କହିଲା – ବଡ ବେଶୀ ରୁଢ ହୋଇ ଗଲାଣି, ଆଜି ଭାଇ ମୋତେ ଖିଅର କରି ଦେବୁ । କିନ୍ତୁ ବାରିକ ତ ଧୂର୍ତ, ସେ ଜାଣେ ଯେ, ଗୋପାଳ ଭାଣ୍ଡ ପଇସା ଟିଏ ତ ମୋତେ ଦେବ ନାହିଁ, ସେ ତାକୁ କହିଲା କାଲି ଖିଅର କରି ଦେବି ।

                 ପର ଦିନ ଗୋପାଳ ପୁଣି ଖିଅର କରିବା କଥା କହିବାରୁ ସେ କହିଲା କାଲି କ’ଣ ହେଲାଣି କି? ଏପରି କହିବାରୁ ଗୋପାଳ ଜାଣିଲା ଏ ମୋତେ ଠକିଲା, ମୁଁ ପଇସା ନ ଦେଇ ଖିଅର ହୋଇ ଯିବାକୁ ମନେ କରି ଥିଲି, କିନ୍ତୁ ଏ ଚତୁର ହୋଇ ମୋତେ ଠକି ଦେଲା । ଆଚ୍ଛା ଏହାର ପ୍ରତିଶୋଧ ମୁଁ ଅବଶ୍ୟ ଦିନେ ନେବି । ଏହା ଭାବି ଗୋପାଳ ଦୁଇ ଚାରି ଦିନ ପରେ ପିଚାରେ କାଦୁଅ ଦେଇ ଏକ କୃତ୍ରିମ ବଥ କରି ଅସ୍ତବ୍ୟସ୍ତ ହୋଇ ରାଜାଙ୍କ ନିକଟରେ ପହଁଚିଲା ।

                 ରାଜା ଗୋପାଳର ବ୍ୟସ୍ତ ଦେଖି ଭଣ୍ଡାରିକି କହିଲେ, ବଥଟିକି ଫୋଡିଦେ ।

                 ବାରିକ ନହୁରୁଣି ଘେନି ତଳେ ବସିଲା, ଗୋପାଳ ନଇଁ ପଡି ଲୁଗା ଖୋଲି ଦେଲା ।

                 ବାରିକ ବଥ ଦେଖିବା ସମୟରେ ଗୋପାଳ ତା ମୁହଁରେ ଝାଡା ଫେରି ଦେଇ କହିଲା – “ପାଇଲ” ଏହା କହି ଚାଲି ଗଲା । ବାରିକ ଲଜ୍ଜିତ ହେଇ ପଳାଇ ଗଲା ।

ଗପ ସାରଣୀ

ସାଢି | ଲାପଟପ୍ | ଟେଲିଭିଜନ୍ | ଯୋତା | ମୋବାଇଲ୍ |ବହି

ପ୍ରଥମେ ଯେକୌଣସି ଜିନିଷ ସର୍ଚ୍ଚ କରନ୍ତୁ, ପରେ କ୍ୟାସ ଅନ ଡେଲିଭରିରେ ଅଡ଼ର୍ କରନ୍ତୁ, ମାନେ ଜିନିଷ ପାଇଲା ପରେ ହିଁ ପଇସା ଦିଅନ୍ତୁ

ତାଲିକାଭୁକ୍ତ ଗପ