ବୀର ହରିହର

ମହେନ୍ଦ୍ର ସିଂହ ଶଙ୍ଖେଶ୍ୱରର ଜଣେ ବଡ ଜମିଦାର ଥିଲେ । ତାଙ୍କ ପୈତୃକ ଜମିଦାରି ଶଙ୍ଖେଶ୍ୱରଠୁଁ କିଛି ଦୂରରେ ସେ ଆଉ ଖଣ୍ଡିଏ ଜମିଦାରି କିଣିଥିଲେ । ସେଠାକାର ପ୍ରଜାମାନେ ଠିକ୍ ସମୟରେ ଆସି କଚେରୀରେ କର ଦାଖଲ୍ ନ କରିବାରୁ ଜମିଦାରଙ୍କୁ ତାଙ୍କ ଗୁମାସ୍ତା କହିଲେ, “ସେମାନଙ୍କୁ ତାଗ୍ଦା ନ ଦେଲେ ସେମାନେ କର କଦାପି ବି ଦେବେ ନାହିଁ ।”

                ଏକଥା ଶୁଣି ଜମିଦାର ପଚାରିଲେ “ତେବେ କ’ଣ କରାଯିବ?”

                ତହୁଁ ସେ ଗୁମାସ୍ତା କହିଲେ, “ମୁଁ ନିଜେ ଲୋକ ନେଇ ଯାଏଁ । ଟଙ୍କା ଅସୁଲ୍ କରି ଆଣିବି ।”

                ଜମିଦାର ଗୁମାସ୍ତାଙ୍କ ଏ ପରାମର୍ଶ ଠିକ୍ ବୋଲି ବୁଝିଲେ । ତେଣୁ ଗୁମାସ୍ତା ଚାରିଜଣ ବିଶ୍ୱସ୍ତ ଲୋକଙ୍କୁ ଧରି ସେଠାରୁ ବାହାରି ଗଲେ ।

                ଦୂରବର୍ତ୍ତୀ ଜମିଦାରିରେ ସେମାନେ ତିନିଦିନ ରହି ସବୁ ଖଜଣା ଅସୁଲ କଲେ । ଚତୁର୍ଥ ଦିନ ସେମାନେ ଶଙ୍ଖେଶ୍ୱର ଅଭିମୁଖେ ବାହାରିଲେ । ଗୁମାସ୍ତା ଆଗେ ଆଗେ ଧୀରେ ଧୀରେ ଘୋଡାରେ ଚାଲିଥାନ୍ତି । ଚାରି ଚାକର ଟଙ୍କା ଥଳିମାନ ପିଠିରେ ପକାଇ ତାଙ୍କୁ ଅନୁସରଣ କରୁଥାନ୍ତି ।

                କିନ୍ତୁ ହଠାତ୍ ବାଟରେ ଭୀଷଣ ଝଡ ବର୍ଷା ହେଲା । ତା’ପରେ ସେମାନେ ଗୋଟାଏ ଦୋକାନ ପିଣ୍ଡାରେ ଅନେକ ସମୟ ପର୍ଯ୍ୟନ୍ତ ଅପେକ୍ଷା କରିବାକୁ ବାଧ୍ୟ ହେଲେ । ବର୍ଷା ଛାଡିଯିବା ପରେ ସେମାନେ ସେଠାରୁ ପୁଣି ବାହାରି ପଡିଲେ ।

                ସଂନ୍ଧ୍ୟା ହେବା ବେଳକୁ ସେମାନେ ଭଲ ବାଟକୁ ଆସି ଯାଇଥାନ୍ତି, କିନ୍ତୁ ଶଙ୍ଖେଶ୍ୱରରେ ମଝିରାତି ପୂର୍ବରୁ ପହଁଚିବାର ଆଶା ସେମାନଙ୍କର ଆଦୌ ନଥାଏ । ତେଣୁ ଚାକରମାନେ ଗୋଟିଏ ବରଗଛ ମୂଳରେ ବସି ପଡିଲେ ଓ ଗୁମାସ୍ତାଙ୍କୁ କହିଲେ, “ବାବୁ, ଆଜି ପାଇଁ ବାଟ ଚାଲିବା ଆମ ପକ୍ଷରେ ଆଉ ସମ୍ଭବ ନୁହେଁ । ଏଣୁ ଆମେ ଏଇଠି ହିଁ ରୋଷେଇବାସ କରି ଖାଇବୁଁ ଓ ଶୋଇଯିବୁ ମଧ୍ୟ । ଏଥର ଆପଣ ଯା’ନ୍ତୁ ।”

                ସେମାନଙ୍କ କଥା ଶୁଣି ଗୁମାସ୍ତା କହିଲେ, “ତାହେଲେ ଠିକ୍ ଅଛି । କିନ୍ତୁ ଟିକେ ସତର୍କ ରହିବ । ଯେମିତିକି ତିନିଜଣ ଶୋଇଲେ ଆଉ ଜଣେ ଚେଇଁଥିବ ।” ଏହା କହି ସେ ଗୁମାସ୍ତା ସେଠାରୁ ଚାଲିଗଲେ ।

Find Amazon’s best deals & get advantage of the more hidden discounts!

Find over 75% discounts

Discover hidden offers, sales & discounts when searching for products on Amazon.

Keyword/s (optional)

(eg Iphone 5s Gold or Ipad Mini 16GB)

Search Discount
ବିସ୍ଵାଶ କରିବା ଆଗରୁ ବିଜ୍ଞାପନ ଗୁଡିକର ସଠିକତାକୁ ତଦନ୍ତ କରନ୍ତୁ ।
loading...

ଗପ ସାରଣୀ

ବିସ୍ଵାଶ କରିବା ଆଗରୁ ବିଜ୍ଞାପନ ଗୁଡିକର ସଠିକତାକୁ ତଦନ୍ତ କରନ୍ତୁ ।

ସାଢି | ଲାପଟପ୍ | ଟେଲିଭିଜନ୍ | ଯୋତା | ମୋବାଇଲ୍ |ବହି

ପ୍ରଥମେ ଯେକୌଣସି ଜିନିଷ ସର୍ଚ୍ଚ କରନ୍ତୁ, ପରେ କ୍ୟାସ ଅନ ଡେଲିଭରିରେ ଅଡ଼ର୍ କରନ୍ତୁ, ମାନେ ଜିନିଷ ପାଇଲା ପରେ ହିଁ ପଇସା ଦିଅନ୍ତୁ

ତାଲିକାଭୁକ୍ତ ଗପ

loading...