ଯେସାକୁ ତେସା

ମହାନଦୀ କୂଳରେ ଗ୍ରାମଟିଏ । ତା’ର ନାଁ ପାଟପୁର । ରାମନାରାୟଣ ଏହି ଗ୍ରାମର ଜଣେ ସ୍ୱଚ୍ଛଳ କୃଷକ । କିନ୍ତୁ ସ୍ୱଭାବରେ ସେ ଅତି କୃପଣ । ଦିନେ ତାଙ୍କ ବିହନ ଗୋଦାମରେ ସାପଟିଏ ଦେଖି, ଚାକର ତୁରନ୍ତ ମାଲିକଙ୍କୁ ଜଣେଇଲା । ତା’ଉପରେ ଚିଡି ଉଠି ରାମନାରାୟଣ କହିଲେ, “ଯାଃ, ଯାଃ ତାକୁ ଠେଙ୍ଗାରେ ବାଡେଇ ମାରି ବାହାରେ ଫୋପାଡି ଦେ ।”

                “ମାଲିକ ସେଇଟି ସାଧାରଣ ସାପ ନୁହେଁ, ହଳଦୀ ରଙ୍ଗର ବିଷଧର ସାପ । ମୋ ପକ୍ଷରେ ତା’କୁ ମାରିବା ଆଦୌ ସମ୍ଭବ ନୁହେଁ । ଏଥିଲାଗି ସାପୁଆ କେଳାକୁ ଡାକିବା ପାଇଁ ପଡିବ ।”

                ରାମନାରାୟଣ, ଆସ୍ତିସୂଚକ ଭାବେ ମୁଣ୍ଡ ଟୁଙ୍ଗାରିଲେ । ସାପୁଆ କେଳା ଆସି ବିହନ ବସ୍ତାଗୁଡିକ ସନ୍ଧିରେ ଲୁଚିଥିବା ବିଷଧର ସାପଟିକୁ ଧରିଲା । ପେଡି ଭିତରେ ସାପଟି ପୁରେଇ, ମଜୁରୀ ବାବଦକୁ ସେ ଦଶଟଙ୍କା ମାଗିଲା ।

ଏକଥା ଶୁଣୁ ଶୁଣୁ ରାମନାରାୟଣ କ୍ରୋଧରେ ଅଗ୍ନିଶର୍ମା ହୋଇ କହିଲେ, “ତୁମକୁ ସାପଟି ଧରିବାକୁ ଦଶମିନିଟ୍ ମଧ୍ୟ ଲାଗିଲା ନାହିଁ, ଅଥଚ ତୁମେ ଦଶଟଙ୍କା ମାଗୁଛ । କ’ଣ ମିନିଟ୍କୁ ଟଙ୍କାଟିଏ କରି ହିସାବରେ କହୁଛ?”

“ଠିକ୍ ଅଛି ବାବୁ, ତାହେଲେ ତମ ସାପ ତମ ପାଖରେ ଥାଉ ।” ସାପୁଆକେଳା ବି ଏତକ କହି ବେଖାତିର୍ରେ, ପେଡିରୁ ସାପଟିକୁ ଚଟାପଟ୍ ଫିଟେଇ ଦେଲା ।

ସାପଟି ସର୍ର୍ କରି ଯାଇ ପୁଣି ସେ ବିହନବସ୍ତା ଭିତରେ କେଉଁଠି ଲୁଚିଗଲା ।

ରାମନାରାୟଣ ଏ ହରକତ ଦେଖି ଖୁବ୍ ବ୍ୟସ୍ତ ହୋଇ ପଡି କହିଲେ, “ଆହେ, ଆଗେ ତାକୁ ବାହାର କର । ମୁଁ ଏଇ ସଙ୍ଗେ ସଙ୍ଗେ ଦଶଟଙ୍କା କାଢୁଛି ।”

ସାପୁଆ ସେଇ ବେପରୁଆ ଢଙ୍ଗରେ କହିଲା, “ଆଉଥରେ ଧରିବା ପାଇଁ ଦଶଟଙ୍କା ପଡିବ । କ’ଣ ଏବେ କୋଡିଏ ଟଙ୍କା ଦେବ ତ?”

ତା’କଥାରେ, ରାମନାରାୟଣଙ୍କ ହାଡ ରାଗରେ ଜଳିଯାଉଥାଏ । ମାତ୍ର ଅଧୁନା ଉପାୟ ବା କ’ଣ?

ଦ୍ୱିତୀୟଥର ସାପଟି ଧରିବା ପରେ କୋଡିଏ ଟଙ୍କା ମଜୁରୀ ଦେବାବେଳକୁ ରାମନାରାୟଣ, ‘ମାର ନ ମାର୍’ ହୋଇ କହିଲେ, “ବାଃ ଏମିତି ମିନିଟ୍କୁ ଟଙ୍କାଏ ଲେଖାଏଁ ରୋଜଗାର କଲେ, ତୁ ତ ଅତି ଶୀଘ୍ର ଏ ଗାଁର ସବୁଠୁ ବଡ ଧନୀ ହୋଇଯିବୁ ।”

Find Amazon’s best deals & get advantage of the more hidden discounts!

Find over 75% discounts

Discover hidden offers, sales & discounts when searching for products on Amazon.

Keyword/s (optional)

(eg Iphone 5s Gold or Ipad Mini 16GB)

Search Discount
ବିସ୍ଵାଶ କରିବା ଆଗରୁ ବିଜ୍ଞାପନ ଗୁଡିକର ସଠିକତାକୁ ତଦନ୍ତ କରନ୍ତୁ ।
loading...

ଗପ ସାରଣୀ

ବିସ୍ଵାଶ କରିବା ଆଗରୁ ବିଜ୍ଞାପନ ଗୁଡିକର ସଠିକତାକୁ ତଦନ୍ତ କରନ୍ତୁ ।

ସାଢି | ଲାପଟପ୍ | ଟେଲିଭିଜନ୍ | ଯୋତା | ମୋବାଇଲ୍ |ବହି

ପ୍ରଥମେ ଯେକୌଣସି ଜିନିଷ ସର୍ଚ୍ଚ କରନ୍ତୁ, ପରେ କ୍ୟାସ ଅନ ଡେଲିଭରିରେ ଅଡ଼ର୍ କରନ୍ତୁ, ମାନେ ଜିନିଷ ପାଇଲା ପରେ ହିଁ ପଇସା ଦିଅନ୍ତୁ

ତାଲିକାଭୁକ୍ତ ଗପ

loading...