ରୂପାର ମାଢି

ଗୋଟିଏ ଗ୍ରାମରେ ପୂର୍ଣ୍ଣ ଓ କିଶୋର ନାମକ ଦୁଇ ବନ୍ଧୁ ଥା’ନ୍ତି । ପିଲାକାଳରୁ ସେ ଦୁହେଁ ନିରାଶ୍ରୟ; ଏତେ ବଡ ସଂସାରରେ ସେମାନଙ୍କର ନିଜର ବୋଲି ଆଉ କେହିବି ନାହିଁ । ଦୁହେଁ ଦିନସାରା କାମ କରନ୍ତି । ରାତିରେ ଗୋଟିଏ ବରଗଛ ଛାଇରେ ସେମାନେ ରହନ୍ତି । ବରଗଛରେ ଗୋଟିଏ ବଡ କୋରଡ ଥାଏ ସେଇଠି ଅଳ୍ପ କିଛି ଜିନିଷପତ୍ର ରଖିଥା’ନ୍ତି । ପାଖରେ ପୋଖରୀଟିଏ ଥାଏ । ଚଳିବାରେ କିଛି ଅସୁବିଧା ହୁଏନାହିଁ । ଏକଦିଗରୁ ଦେଖିଲେ ସେହି ବରଗଛଟିହିଁ ସେ ଦୁହିଁଙ୍କର ସବୁକିଛି । ସେମାନେ ଦିନଯାକ ପରିଶ୍ରମ କରନ୍ତି । ପାଖ ଜଙ୍ଗଲରୁ କାଠ କାଟନ୍ତି କିଛି ବିକନ୍ତି ଓ ଆଉ କିଛି ସେମାନେ ନିଜର ରୋଷେଇ ପାଇଁ ନେଇ ଆସନ୍ତି । ତିନୋଟି ପଥର ପକାଇ ତହିଁ ଉପରେ ଚୁଲିଟିଏ କରି ରୋଷେଇ କରି ସେମାନେ ଖାଆନ୍ତି । ଏମିତି ସେମାନଙ୍କର ଦିନ ବିତିଯାଏ ।

ଦୁହିଁଙ୍କ ମନରେ ପ୍ରଶ୍ନ ଜାଗେ, “ଏମିତି ଆମେ ଆଉ କେତେଦିନ ରହିବା?” ଦୁହେଁ ଭାବନ୍ତି ଚାକିରି କରି କିଛି ଟଙ୍କା ରଖି ଘରଟିଏ କରନ୍ତେ, ଦୁହେଁ ବିବାହ କରନ୍ତେ । ଜମିବାଡି କିଛି କିଣି ସେମାନେ ଅତି ଆରାମ୍ରେ ଚଳନ୍ତେ । ଏହିପରି ଭାବି ସେମାନେ କିଛି କିଛି ଟଙ୍କା ଜମେଇ ରଖିଥା’ନ୍ତି ।

ଦିନେ ସେମାନଙ୍କର ମନେହେଲା, ସେମାନେ କାମରୁ ଲେଉଟି ଆସିବା ପୂର୍ବରୁ କିଏ ଯେପରି ବରଗଛ ଚାରିପଟେ ସ୍ଥାନଟିକୁ ସଫାସୁତୁରା କରିଦେଇଛି, ସେଠାରେ ପଡିଥିବା ଶୁଖିଲା କାଠପତ୍ର ସବୁ ଦୂରକୁ ଫୋପାଡି ଦିଆଯାଇଛି ।

ପୂର୍ଣ୍ଣ କହିଲା, “ଏଠି କ’ଣ ଆଉ କିଏ ଆସି ବିଶ୍ରାମ କରୁଛି କି?”

କିଶୋର କହିଲା, “କୌଣସି ପଥିକ ବିଶ୍ରାମ କରିଥିବ । ଏଠି ପୁଣି କିଏ ବା ରହିବ?”

ବାସ୍, ତା’ପରେ ଦୁହେଁ ସେକଥା ଭୁଲିଗଲେ ।

ଦିନେ ସେମାନେ ବସି ରୋଷେଇ ଆରମ୍ଭ କରିବାକୁ ଯାଉଛନ୍ତି ହଠାତ୍ ଦେଖିଲେ ବରଗଛ କୋରଡରୁ ଦୁଇଟି ହାତ ବାହାରକୁ ଲମ୍ବି ଆସିଲା ଓ ସେମାନଙ୍କ କାମରେ ସାହାଯ୍ୟ କଲା । ଏପରି ଏକ ଅଜବ କଥା ଦେଖି ପୂର୍ଣ୍ଣ ଓ କିଶୋର ଅଚାନକ ଚମକି ପଡିଲେ । ସେମାନେ ଭୟରେ କମ୍ପୁଥା’ନ୍ତି । କିଛି ସମୟ ପରେ କୋରଡ ଭିତରୁ ଏକ ଅଦ୍ଭୁତ ଜୀବ ବାହାରି ଆସିଲା ଓ ବିନମ୍ରତା ପୂର୍ବକ ଏମାନଙ୍କୁ ସେ କହିଲା, “ମୋତେ କ୍ଷମା କରନ୍ତୁ । ମୁଁ ଆପଣମାନଙ୍କୁ ନ ପଚାରି ଏ କୋରଡରେ ପଶିଥିଲି । ମୋତେ ଏଇଠି ରହିବାକୁ ଦିଅନ୍ତୁ । ମୁଁ ତୁମମାନଙ୍କୁ ସବୁ କାମରେ ସାହାଯ୍ୟ କରିବି ।”

ତା’କଥା ଶୁଣି ଏମାନଙ୍କର ଭୟ ଟିକିଏ କମିଲା । ସେମାନେ ଭଲକରି ଚାହିଁ ଦେଖିଲେ ତା’ର ମଣିଷ ପରି ଚେହେରା, ଦେହଟି ରୁମୁରୁମିଆ, ମୁଣ୍ଡରେ ଯୋଡିଏ ସିଙ୍ଗ । ହେଲେ ତା’ ଦେହଟା ଠିକ୍ କାଠ ପଟାପରି ।

Find Amazon’s best deals & get advantage of the more hidden discounts!

Find over 75% discounts

Discover hidden offers, sales & discounts when searching for products on Amazon.

Keyword/s (optional)

(eg Iphone 5s Gold or Ipad Mini 16GB)

Search Discount
ବିସ୍ଵାଶ କରିବା ଆଗରୁ ବିଜ୍ଞାପନ ଗୁଡିକର ସଠିକତାକୁ ତଦନ୍ତ କରନ୍ତୁ ।
loading...

ଗପ ସାରଣୀ

ବିସ୍ଵାଶ କରିବା ଆଗରୁ ବିଜ୍ଞାପନ ଗୁଡିକର ସଠିକତାକୁ ତଦନ୍ତ କରନ୍ତୁ ।

ସାଢି | ଲାପଟପ୍ | ଟେଲିଭିଜନ୍ | ଯୋତା | ମୋବାଇଲ୍ |ବହି

ପ୍ରଥମେ ଯେକୌଣସି ଜିନିଷ ସର୍ଚ୍ଚ କରନ୍ତୁ, ପରେ କ୍ୟାସ ଅନ ଡେଲିଭରିରେ ଅଡ଼ର୍ କରନ୍ତୁ, ମାନେ ଜିନିଷ ପାଇଲା ପରେ ହିଁ ପଇସା ଦିଅନ୍ତୁ

ତାଲିକାଭୁକ୍ତ ଗପ

ନୂଆ ତାଲିକାଭୁକ୍ତ ଗପ

loading...