ସଭିଙ୍କୁ କହିଲୁ ଆସିବା ପାଇଁ
କୁନି ପିଲାଙ୍କୁ ମୁଁ ବହୁତ ଭଲପାଏ ବୋଲି ଆସିଲି ଧାଇଁ । ତହୁଁ ସେ ମୋମୁ ପଚାରିଲା –
ତୁମେ କିଏ କେଉଁଠାରୁ ଆସିଲ?
ବଡ ବଡ ପକ୍ଷ ରଙ୍ଗୀନ ଝାଲ,
ତୁମ ଶରୀରରୁ ଜ୍ୟୋତି ଉକୁଟେ
ମଥାଟି ସୁନ୍ଦର ସୁନା ମୁକୁଟେ
କେତେ ଗୋ ସୁନ୍ଦର ଦିଶୁଛ ତୁମେ
ଆସିଅଛ ତୁମେ ମରତ ଭୂମେ ।
ପରୀରାଣୀ କହିଲେ – ତୁମ ଜନ୍ମଦିନ ରାତି ପାହିଲେ
ପରୀରାଇଜରୁ ଆସିଲି ଭଲେ
ଆମ ରାଇଜଟି ବହୁ ଉଚ୍ଚରେ
ତିଆରି ସେ ହୀରା ନୀଳା ମୋତିରେ
ସୁନା ରୂପା ଫୁଲ ସେଠାରେ ଫୁଟେ
ମିଠା ମିଠା ଫଳ ଗଛ ଦି’ ପଟେ ।
ଆମେ ଆନନ୍ଦରେ ଉଡୁ ଆକାଶେ
ଯାହା ଚାହୁଁ କରୁ ମନ ହରଷେ ।
