ମୂଷା ଏଥର ଚିତ୍ରଗ୍ରୀବର କଣ୍ଠ ସ୍ୱରରୁ ନିଜର ବନ୍ଧୁଙ୍କୁ ଚିହ୍ନି ପାଖକୁ ଆସିଲା । ସେମାନଙ୍କ ଠାରୁ ସମସ୍ତ ବୃତ୍ତାନ୍ତ ଶୁଣିଲା । ତା’ପରେ କହିଲା ଠିକ୍ ଅଛି? ଏପରି ବିପଦରେ ମୋର ବନ୍ଧୁ ପଡ଼ିଛନ୍ତି ଯେବେ ତାଙ୍କୁ ମୋତେ ନିଶ୍ଚୟ ସାହାଯ୍ୟ କରିବାକୁ ହେବ? ଏହାକହି ଜାଲ କାଟିବାକୁ ଆରମ୍ଭ କରନ୍ତେ! ଚିତ୍ରଗ୍ରୀବ କହିଲା ଦେଖ ବନ୍ଧୁ! ଆଗ ମୋର ସାଙ୍ଗମାନଙ୍କ ଜାଲ କାଟି ରକ୍ଷା କର । ତା’ପରେ ଯାଇ ମୋର ଜାଲ କାଟିବ? ମୂଷିକ ରାଜା ବନ୍ଧୁଙ୍କର କହିବା ଅନୁସାରେ ସମସ୍ତ ଜାଲ କାଟି ଉଦ୍ଧାର କରି ସାରିବା ପରେ ବନ୍ଧୁଙ୍କର ଜାଲ କାଟିବାକୁ ଆରମ୍ଭ କରି କହିଲା – ବୁଝିଲ ବନ୍ଧୁ! ତୁମ କଥାକୁ ମୁଁ ସମର୍ଥନ କରୁଛି । କାରଣ ଏପରି ଜାଲ ମଧ୍ୟରେ ବନ୍ଧନରେ ପଡ଼ି ନିଜ ଲାଗି କେବେ ଅବହେଳା କରିବ ନାହିଁ । ହେଲେ ତୁମର ତୁମ ବନ୍ଧୁମାନଙ୍କ ପ୍ରତି ଥିବା ସ୍ନେହ ଶ୍ରଦ୍ଧା ତଥା ଆତ୍ମୀୟତା ଦେଖି ମୁଁ ଆଶ୍ଚର୍ଯ୍ୟ ହେଲି!
ଏହାପରେ ଚିତ୍ରଗ୍ରୀବ କହିଲା – ଦେଖ ବନ୍ଧୁ! ଏଥିରେ ମୋର କି ତ୍ୟାଗଅଛି ବରଂ ଆମ ସମସ୍ତଙ୍କର ଏହା କେବଳ ଏକତାର ବଳ । ତା’ପରେ ସମସ୍ତ ପକ୍ଷୀ ସ୍ୱାଧୀନତାର ସହିତ ଉଡ଼ିବାକୁ ଲାଗିଲେ । ମୂଷିକ ରାଜା ବନ୍ଧୁର ଉପକାର କରିସାରି ପୁନଶ୍ଚ ନିଜ ଗାତକୁ ଚାଲିଗଲା ।
