ଦିନେ ଜଙ୍ଗଲରେ ବିଲେଇ ଓ କୋକିଶିଆଳିର ଦେଖାହେଲା । କୋକିଶିଆଳିଟି ବିଲେଇକୁ କହିଲା, “ଶତ୍ରୁଠାରୁ ରକ୍ଷା ପାଇବାକୁ ମୋ’ ପାଖରେ ବହୁତ ଉପାୟ ଅଛି । ମୁଁ ତୋତେ ସେଥିରୁ କିଛି ଉପାୟ ଶିଖାଇ ଦେବି ।”
ଏହା ଶୁଣି ସେ ବିଲେଇ କହିଲା, “ମୁଁ କିନ୍ତୁ ମାତ୍ର ଗୋଟିଏ ଉପାୟ ଜାଣିଛି ।”
ଏହି ସମୟରେ କୁକୁର ଭୁକିବାର ଶବ୍ଦ ଶୁଣାଗଲା । କୁକୁରର ଏପରି ରଡି ଶୁଣି ବିଲେଇ ଖୁବ୍ ଶୀଘ୍ର ଗଛରେ ଚଢି ଲୁଚିଗଲା ଏବଂ କହିଲା, “ଏହି ଗୋଟିଏ ଉପାୟ ହିଁ ମୁଁ ଜାଣିଛି ।”
ଏଣେ ଏ କୋକିଶିଆଳି ଭାବି ଚାଲିଛି – ଜାଣିଥିବା ବହୁତ ଉପାୟରୁ ସେ କେଉଁଟାକୁ ବ୍ୟବହାର କରିବ । ଏହିପରି ଭାବୁ ଭାବୁ କୁକୁର ଆସି ସେ କୋକିଶିଆଳିକୁ ମାରିଦେଲା ।
ବହୁତ ଗୁଡିଏ ଅନିଶ୍ଚିତ ଉପାୟ ଅପେକ୍ଷା ଗୋଟିଏ ନିଶ୍ଚିତ ଉପାୟ ଅଧିକ କାମରେ ଲାଗେ ।
