ସୂଚୀମୁଖର କଥାଶୁଣି ମାଙ୍କଡମାନେ ପ୍ରବଳ ଭାବରେ ଉତ୍ୟକ୍ତ ହୋଇ ପଡିଲେ, ଏବଂ ସୂଚୀମୁଖକୁ କହିଲେ, ‘ସାମନ୍ୟ ପକ୍ଷୀଟିଏ ହୋଇ ଆମ୍ଭମାନଙ୍କୁ ଉପଦେଶ ଦେଉଛୁ ।’ ଏହା କହି ଜଣେ ମାଙ୍କଡ ସୂଚୀମୁଖର ଡେଣାକୁ ଭାଙ୍ଗିଦେଇ, ତାକୁ ଏକ ପଥରରେ ଛେଚି ମାରିଦେଲା । ତେଣୁ ଶାସ୍ତ୍ରରେ କୁହାଯାଇଛି ଜ୍ଞାନୀ ବା ବିଜ୍ଞ ବ୍ୟକ୍ତି ଧୂର୍ତ ବା ଶଠ ବ୍ୟକ୍ତିଙ୍କୁ (ଯିଏକି ବାରମ୍ବାର ପ୍ରତିଟିକାର୍ଯ୍ୟରେ ଅସଫଳ ହୋଇ ଉତ୍ୟକ୍ତ ଅବସ୍ଥାରେ ଥାଆନ୍ତି) ଉପଦେଶ ଦେବା ଉଚିତ୍ ନୁହେଁ । ମାଙ୍କଡମାନେ ବିଚରା ନିରୀହ ପକ୍ଷୀଟିର ଯେପରି ଦଶା କଲେ ଜ୍ଞାନୀ ବ୍ୟକ୍ତିଟିକୁ ସେହି ଦଶା ଭୋଗିବାକୁ ପଡିଥାଏ । ଅନ୍ୟ ଅର୍ଥରେ କହିବାକୁ ଗଲେ କୌଣସି ନିର୍ଦ୍ଧିଷ୍ଟ ବ୍ୟକ୍ତି ବିଶେଷକୁ ଉପଦେଶ ଦେବା ଉଚିତ୍ ନୁହେଁ । କାରଣ ଏକ ଦୁଷ୍ଟ ମାଙ୍କଡ ଯେପରି ସେହି କାରଣରୁ ଏକ ନିରୀହ ଘରଚଟିଆର ବସା ଭାଙ୍ଗିଦେଇଥିଲା । ଏହି କାହାଣୀ ଶୁଣି ଦମନକ ପଚାରିଲେ, ‘କେଉଁ କାରଣରୁ ମାଙ୍କଡ ତାହା କଲା? କାରାତକ କାହାଣୀଟି କହିବାକୁ ଆରମ୍ଭ କଲେ ।