ପ୍ରତିଦିନ ରାତି ପାହୁପାହୁ କାଉମାନେ କା’ କା’ କରି ଉଡି ବୁଲନ୍ତି । ଆମେ କାଉର ରାବ ଶୁଣି ଶେଯରୁ ଉଠୁ । କାଉ ଆମର ପରିବେଶକୁ ପରିଷ୍କାର କରିବାରେ ସାହାଯ୍ୟ କରେ । ଏଡେ ବଡ ଉପକାରୀ ପକ୍ଷୀ କାଉ ବି ଆମର ବେଳେବେଳେ କ୍ଷତି ଘଟାଇଥାଏ । ଆସ ସେଇ କାଉ କଥା ଶୁଣିବା ।
ସବୁଦିନ ଭଳି କାଉଟିଏ ବାଡିପଟ ଗଛ ଡାଳରେ ବସି କା’ କା’ ରାବ ଛାଡିଲା । ଏହାଦେଖି ମହେଶର ଆଈ ଘରୁ ମୁଢି ଗିନାଏ କି କେତେବେଳେ ବାସି ରୁଟି ଦି’ ପଟ ନେଇ କାଉକୁ ଦେଇ ଦିଅନ୍ତି ।
କାଉ ଖୁସିରେ ତାର ଖାଦ୍ୟ ଖାଇଥାଏ, ମହେଶ ମନ ଆନନ୍ଦରେ ବସି ଦେଖୁଥାଏ । ଏହା ଥିଲା କାଉ, ମହେଶ ଓ ତା’ ଆଈଙ୍କର ନିତିଦିନିଆ କାମ ଏହି କାମରେ କୌଣସି ଦିନ କେହି ଜଣେ ବି ହେଳା କରୁନଥାନ୍ତି । ପ୍ରତିଦିନ କାଉଟି ପେଟେଖାଇ ଉଡିଯାଏ ।
