ହଳଧର ସିଂହ ନାମକ ଜଣେ ସମ୍ଭ୍ରାନ୍ତ ଜମିଦାର କୃଷ୍ଣ ନଗରରେ ବାସ କରନ୍ତି । ହଳଧର ବାବୁ ଏକ ଦିନ ନିଜ ଗୃହର ପିଣ୍ଢାରେ ବସିଛନ୍ତି, ଏହି ସମୟରେ ଗୋପାଳ ଭାଣ୍ଡ ରାସ୍ତାରେ ଚାଲି ଯିବାର ଦେଖିଲେ । ସେ କୌତୁକ କଥା ଶୁଣିବା ଅଭିପ୍ରାୟରେ ଗୋପାଳ ଭାଣ୍ଡକୁ ଡାକି କରି କହିଲେ –
କିହୋ ଗୋପାଳ ।
କୁଆଡେ ଯାଉଛ?
ଆଚ୍ଛା ସତ କରି କୁହତ ତୁମର ନାମ କ’ଣ?
ପ୍ରକୃତ ଗୋପାଳ, କି ଗୋରୁ ଚରାଇବା କାରଣରୁ ଗୋପାଳ ଅର୍ଥାତ୍ (ଗଉଡ) ନାମ ଧାରଣ କରିଛ?
ହଳଧର ବାବୁଙ୍କର ଏହି ଇଙ୍ଗିତ କଥା ବୁଝି ପାରି, ଗୋପାଳ ଭାଣ୍ଡ ହଳଧର ବାବୁ ଡାକିଲା ମାତ୍ରେ, ତତ୍କ୍ଷଣାତ୍ ରାସ୍ତାରେ ପଡି ମୂର୍ଚ୍ଛା ହୋଇ ଭୂମିରେ ପଡି ଗଲେ । ଗୋପାଳର ହଠାତ୍ ମୂର୍ଚ୍ଛା ଯିବା ଦେଖି ହଳଧର ବାବୁ ଆଉ କଥା କହିବେ କ’ଣ ସେ ତରତର ହୋଇ ଚାକର ମାନଙ୍କୁ ଡାକି ଗୋପାଳଙ୍କୁ ତାଙ୍କ ବୈଠକ ଖାନାକୁ ଟେକି ନେଇ ମୁଣ୍ଡରେ ପାଣି ମାରି ପଙ୍ଖା କରି ସାଷ୍ଟାଙ୍ଗ କରିଲେ । ଗୋପାଳ ବାବୁ କିଛି କ୍ଷଣ ପରେ ଆଖି ମିଟି ମିଟି କରି ଚାହିଁଲେ । ସଚେତ ହେବା ଦେଖି ହଳଧର ବାବୁ ପଚାରିଲେ –
