ସତରେ ଛେଳି ଭାଈ ମାଲିକର ଏଭଳି ବ୍ୟବହାରରେ ମୁଁ ବହୁତ ଦୁଃଖ ପାଏ । କିନ୍ତୁ ଉପାୟ କ’ଣ? କିପରି ଏଥିରୁ ମୁକ୍ତି ପାଇ ପାରିବି?
ଏଥିରୁ ବଂଚିବାର ଉପାୟ? ଆରେ ଉପାୟତ ବହୁତ ସରଳ । ଦିନେ ରୋଗ ହୋଇଛି ବୋଲି ବାହାନା ସୃଷ୍ଟି କର । କୌଣସି ଏକ ଗାତରେ ପଡି ଯାଅ । ପୁଣି କିଛି ଦିନ ପର୍ଯ୍ୟନ୍ତ ଆରାମ୍ରେ ଗୁହାଳରେ ରୁହ । ବସି ବସି ଖାଅ ଆଉ ପିଅ ।
ଗଧ ପାଖରେ ବୁଦ୍ଧିର ଅଭାବ ଥିଲା । ସେ ସରଳ ପ୍ରକୃତିର ପଶୁ । ତେଣୁ ତା’ପରଦିନ ସେ ଜାଣି ଶୁଣି ଗୋଟିଏ ଗାତରେ ଆସି ପଡି ଗଲା । ପରିଣାମ ସ୍ୱରୂପ ସେହି ଗଧଟି ଏତେ ଘାଇଲା ହୋଇ ଗଲା ଯେ, କିଛି ଦିନ ପର୍ଯ୍ୟନ୍ତ ସେ ଚାଲି ବୁଲି ପାରିଲା ନାହିଁ । ଶେଷରେ ମାଲିକ ପଶୁ ଡାକ୍ତରଙ୍କୁ ଡକାଇଲେ । ଡାକ୍ତର ଗଧକୁ ଦେଖି ସାରିଲା ପରେ ମାଲିକକୁ ପାଖକୁ ଡାକି କହିଲେ – କିଛି ଦିନ ପାଇଁ ତାକୁ ଆରାମ୍ କରିବାକୁ ଦିଅ । ଘା’ ହୋଇ ଥିବା ସ୍ଥାନରେ ଛେଳି ଚର୍ବିର ଘିଅ ତିଆରି କରି ତାକୁ ମାଲିସ୍ କର । ଧୀରେ ଧୀରେ ଗଧର କ୍ଷତ ସ୍ଥାନ ଭଲ ହୋଇଯିବ ଏଥିରେ କୌଣସି ପ୍ରକାର ସନ୍ଦେହ ନାହିଁ ।
ମାଲିକ ଡାକ୍ତରଙ୍କ କଥା ଶୁଣି ସଂଗେ ସଂଗେ ଛେଳିକୁ କାଟିବାକୁ ନେଲେ । ଗଲା ବେଳେ ଛେଳି କାନ୍ଦି କାନ୍ଦି କହିଲା – ହାୟ ହାୟ! ମୋର ବୁଦ୍ଧିରେ ନିଆଁ ଲାଗି ଥିଲା ଯେ ଗଧକୁ ଓଲଟା ବୁଦ୍ଧି ଦେଇଥିଲି । ଫଳରେ ମୋତେ ହିଁ ଜୀବନ ଦେବାକୁ ପଡିଲା । ଭଲ କରିବାକୁ ଯାଇ ଓଲଟା ଫଳ ହେଲା ।
