ଏତିକି ବେଳେ ଜନ୍ଦାଙ୍କର ବନ୍ଧୁ ବୋଇଲେ ଗୋଟିଏ ବୁଢ଼ା ଜନ୍ଦା ନିଜର ଆତ୍ମୀୟମାନଙ୍କୁ ଦେଖିବାକୁ ଆସି ଏ ଘଟଣା ଦେଖି ସେ ବଡ଼ ମର୍ମାହତ ହୋଇପଡ଼ିଲା । ସାପ ପ୍ରତି ବହୁତ କ୍ରୋଦ ମଧ୍ୟ କଲା । ସେହି କ୍ରୋଧ ହୋଇ ସମସ୍ତ ଜନ୍ଦାକୁ ଡାକି କହିଦେଇ ଗଲା ଯେ ଏଠି ଏପରି ହେବା ଦରକାର ଯେ ତୁମ୍ଭେମାନେ ଏକତ୍ରିତ ହୋଇଯାଅ । ସଂଘବଦ୍ଧ ହୋଇ ଏକତ୍ର ଆକ୍ରମଣ କର । ବଳେ ସାପଟା ମରିଯିବ । ଏବେ ତ ଆଘାତ ପାଇ ସାପର ଅଣ୍ଟା ଭାଙ୍ଗିଯାଇଛି । ଏଇବେଳରେ ହିଁ ଆକ୍ରମଣ ଦରକାର । ଏହା ବତାଇ ଦେଇ ବୁଢ଼ା ଜନ୍ଦାଟି ଚାଲିଗଲା । ସେତେବେଳକୁ ବୁଢ଼ା ସାପଟି ଆରାମରେ ଶୋଇ ପଡ଼ିଥିଲା । ଏପରି ସୁଯୋଗ ପାଇ ସବୁତକ ନାଲି ଜନ୍ଦା ଅଣ୍ଟା ଭିଡ଼ି ଆକ୍ରମଣ କରିବାକୁ ଲାଗିଗଲେ । କେତେଜଣ ଆକ୍ରମଣ କରି ସାପର ଆଖି ଦୁଇଟାକୁ ତାଡ଼ିଦେଲେ ତ ଆଉ କେତେକ ସାପର ଦେହଟାକୁ କାମୁଡ଼ି କାମୁଡ଼ି ବିଷାକ୍ତ କରିଦେଲେ । ଏହାପରେ ସାପଟି ଛଟପଟ ହୋଇ ମରିଗଲା ।